Leqal.Info

SON DƏQİQƏ

Sabiq deputatın oğlu 700 minlik mənimsəmədə - ittiham edilir

Sabiq deputatın oğlu 700 minlik mənimsəmədə
18-06-2019, 16:50 86 153 dəfə baxılıb

Bakı Ağır Cinayətlər Məhkəməsində dələduzluqda və mənimsəmədə ittiham edilən Elvin Məmmədovun cinayət işi üzrə məhkəmə prosesi keçirilib.

Leqal.info-nun "Report"a istinadən xəbərinə görə, hakim Eldar İsmayılovun sədrlik etdiyi prosesdə kompüter avadanlıqlarının satışını həyata keçirən "Happy Baku" MMC-nin rəhbəri Cavid Cümşüdov ifadə verib.

O, işçisi olmuş Elvin Məmmədovu yaxşı adam kimi tanıdığını, belə bir hadisənin baş verəcəyini ağlına gətirmədiyini deyib. Onun sözlərinə görə, şirkətə gələn mallar anbardan çıxarılaraq müştərilərə çatdırılsa da, vəsaitlər şirkətə ödənilməyib. İfadədən məlum olub ki, şirkətə dəyən 758 min manat zərərin yarısından çoxu 2014-ci ilə qədər ələ keçirilib və bu, Elvin Məmmədov şirkətdən ayrılandan sonra ortaya çıxıb.

Elvin Məmmədov isə ittihamı qəbul etməyib və həmin malların onun rəhbərliyi ilə götürülmədiyini, sadəcə, sənədlərə imza atdığını deyib.

Cavid Cümşüdov Elvin Məmmədovun həbs edilməsində deyil, zərəri ödəməsində maraqlı olduğunu deyib. Onun sözlərinə görə, işin üstü açılanda Elvin pulun 100 min manatını ödəsə də, qalan məbləğ ödənməyib: "Bu il Elvin Məmmədovun pulu ödəyəcəyini öhdəsinə götürməsi ilə bağlı aramızda müqavilə də bağlanılıb, ancaq onu həbs etdilər. Bizim bu işdə heç bir marağımız olmayıb, sadəcə, zərərin ödənilməsini istəyirik".

Proses iyunun 25-ə təyin edilib.

Elvin Məmmədov Cinayət Məcəlləsinin 178.3.2-ci (külli miqdarda dələduzluq) və 179.3.2-ci (külli miqdarda mənimsəmə) maddələri ilə ittiham edilir.

Qeyd edək ki, Elvin Məmmədov sabiq deputat Dünyamalı Məmmədovun oğludur. Dünyamalı Məmmədov 1995-ci ildə 96 saylı Cəlilabad seçki dairəsindən deputat seçilib.


www.leqal.info

Teqlər: Bakı Ağır Cinayətlər Məhkəməsi, mənimsəmə

ŞƏRH YAZ

OXŞAR XƏBƏRLƏR<

XƏBƏR LENTİ

BÜTÜN XƏBƏRLƏR

GÜNDƏMHAMISI

ŞOU-BİZNESHAMISI

SOSİALHAMISI

MƏDƏNİYYƏTHAMISI