Bu barədə Leqal.info-ya jurnalistin özü məlumat verib. O bildirib ki, namizədliyini 31 sayli Suraxani Ikinci Seçki Dairəsindən irəli sürmək niyyətindədir: “ Mən uzun müddətdir ki, jurnalist fəaliyyəti ilə məşğul oluram. Yaşadığım Yeni Günəşli qəsəbəsində, həmçinin namizədliyimi irəli sürməyi düşündüyüm dairənin hüdudlarına daxil olan Qaraçuxur qəsəbəsində kifayət qədər problem var. Mən həmin problemlərin həlli üçün əlimdən gələni edəcəm. Cənab Prezidentimizin gənclərə göstərdiyi etimad məni daha da ruhlandırıb. İnanıram ki, Milli Məclisə seçilsəm gənc deputat olaraq aktivlik nümayiş etdirəcəm. Seçiciləri seçkidə fəal olmağa çağırıram”.
Qeyd edek ki, Pərvin Mahmudov Bakı Dövlət Universitetinin Sosial Elmlər və Psixologiya fakültəsini bitirib və 2007-ci ildən jurnalist fəalliyəti ilə məşğuldur.
