Leqal.info “Report”a istinadən xəbər verir ki, bu barədə ABŞ Prezidenti Donald Tramp “Twitter”dəki səhifəsində yazıb.
“Fox and Friends” gündəlik şou verilişi heyətinin səsləndirdiyi “Qazın qiymətləri Birləşmiş Ştatlar boyunca aşağı düşüb, çünki Prezident Tramp enerji sahəsini liberallaşdırıb və indi biz əvvəllər misli görünməmiş həcmdə neft istehsal edirik” şəklindəki fikirləri misal gətirərək “bunlar Rusiya üçün yaxşı xəbər deyil ki. Tramp niyə belə etsin? O, Rusiyaya işləyir axı”, - bu günlərdə Rusiyanın xeyrinə işləyib-işləməməsi barədə Federal Təhlükəsizlik Bürosu tərəfindən araşdırma başlandığı xəbərinə eyham vuran dövlət başçısı kinayəli tərzdə yazıb.
