Leqal.Info

SON DƏQİQƏ

21:24 - Milli Məclisin deputatı Yevda Abramov - vəfat etdi

18:40 - Hesablama Palatası DSMF-də yoxlama apardı

17:27 - Gömrük-sərhəd keçid məntəqələrində "Elektron növbə" layihəsinin tətbiqinə başlanılıb

14:24 - Habil Vəliyev azadlığa buraxılıb

12:10 - Prezident İlham Əliyevin həyata keçirdiyi siyasətdə sosial xarakter daşıyan layihələrin həcmi daha da genişlənəcək - YAP-ın sədr müavini

11:43 - YAP Azərbaycan parlamentində öz çoxluğunu qoruyub saxlaya biləcək - Əli Əhmədov

23:48 - Biz xalq üçün yaşayırıq, dövlət xalqı qorumalıdır - Azərbaycan Prezidenti

23:43 - Gənclərimiz xalqımızın əsrlərboyu yaratdığı dəyərləri gələcəkdə qorumalıdırlar - Prezident

23:37 - Bilikli, savadlı, Vətənə bağlı müasir gənclik Azərbaycanın dayanıqlı uğurunun təminatçısıdır - Prezident İlham Əliyev

20:00 - Prezident İlham Əliyevin parlamentin buraxılması barədə sərəncamı Azərbaycanın rifahına yönəlib - Ekspertlər

18:18 - Prezident İlham Əliyev Şamaxıda Ulu öndər Heydər Əliyevin abidəsini ziyarət edib - FOTO

17:27 - Prezident Xəzər rayonunda avtomobil yollarının yenidən qurulmasına 11,8 milyon manat ayırdı - SƏRƏNCAM

16:56 - YAP bütün partiyaları Milli Məclisə keçiriləcək seçkilərdə iştiraka çağırır - Əli Əhmədov

16:37 - Prezident Milli Məclisə növbədənkənar seçkiləri 2020-ci il fevralın 9-na təyin etdi - SƏRƏNCAM

16:07 - Radikal müxalifətin qarayaxmaları, anti-milli fəaliyyətləri seçkinin nəticəsinə heç bir təsir göstərməyəcək - Sona Əliyeva

Mehriban Əliyeva “Modernizm və moda” sərgisinin açılış mərasimində iştirak edib - FOTO

Mehriban Əliyeva “Modernizm və moda” sərgisinin açılış mərasimində iştirak edib
6-10-2017, 22:47 293 dəfə baxılıb

Oktyabrın 6-da Heydər Əliyev Mərkəzində Aleksandr Vasilyev Fondunun təqdimatında 1960-cı illərin geyim və bəzək əşyalarından ibarət “Modernizm və moda” sərgisinin açılış mərasimi olub.

Leqal.info-nun APA-ya istinadən məlumatına görə, Azərbaycanın birinci vitse-prezidenti Mehriban Əliyeva sərginin açılış mərasimində iştirak edib. Heydər Əliyev Mərkəzinin direktoru Anar Ələkbərov mərasimdə çıxış edərək Mərkəzin artıq beynəlxalq sərgilərin keçirildiyi məkana çevrildiyini qeyd edib.

Açılış mərasimində çıxış edən Aleksandr Vasilyev deyib: “Bu sərginin ekspozisiyası 40 il ərzində toplanıb. Biz müxtəlif ölkələrə, o cümlədən Avstraliyaya, Yaponiyaya, Çinə, Türkiyəyə, Fransaya, İtaliyaya, İsveçrəyə, Litvaya, Latviyaya, Estoniyaya, Rusiyaya, Cənubi Amerika ölkələrinə və digər ölkələrə bu sərgi ilə bağlı səyahət etmişik. Kurator Kirill Qasilin bu sərginin təşkilinə böyük vaxt sərf edib. Mən bu sərginin təşkilinə görə böyük imkan yaradıldığı üçün Heydər Əliyev Fonduna təşəkkür edirəm. Bizim digər sərgilər də təşkil etmək planımız var. Altı aydan sonra sizə daha maraqlı bir sərgi göstərməyi planlaşdırırıq. Bu, hələ ki, sirdir. Çünki siz hələ bu sərgidən zövq alacaqsınız. Sərgidə görəcəkləriniz, ola bilsin ki, sizin gözləntinizi də ötüb keçəcək. Bu, həmin möhtəşəm dövrün ən yaxşı modalarıdır. “Chanel”, “Dior”, “Balmain”, “Yves Saint Laurent”, “Balenciaga”, “Nina Ricci”, “Cardin”, “Couregge”, “Laroche”, “Cassini”, “Valentino” kimi yüksək modanın qəhrəmanlarının müxtəlif, ən yüksək keyfiyyətli modelləri təqdim edilir. Bunlar o dövrün ulduzlarına məxsus idi. Həmçinin sərgidə çoxsaylı aksesuarlar, çantalar, şlyapalar, bijuteriyalar və s. yer alıb. Düşünürəm ki, bunlar sizdə dərin təəssürat oyadacaq”.

Aleksandr Vasilyev diqqətə çatdırıb ki, bu, həm də maarifləndirici sərgidir. Bu sərgi Azərbaycanın dizaynerlərini, rəssamlarını, rejissorlarını, aktyorlarını, yazıçılarını, bir sözlə, o illərin ruhuna nüfuz etmək istəyən hər kəsi məlumatlandıracaq. Axı moda həm də tətbiqi sənətin bir hissəsidir. Bu, təkcə kommersiya deyil, həm də yüksək mədəniyyətdir. O deyib: “Bu cür sərgi o şəhərdə olmalıdır ki, həmin yerdə modaya səmimi münasibət bəslənilir. Biz istəyirik ki, Azərbaycanda bu estetika duyumu həmişə ən yüksəkdə olsun və siz böyük mədəniyyətin, böyük estetikanın və böyük gözəlliyin, o cümlədən memarlıq gözəlliyinin, təbiətin gözəlliyinin, mətbəxin gözəlliyinin paytaxtında yaşamağınızla qürur duyasınız. Mən sərginin təşkilində göstərilən dəstəyə görə Azərbaycanın Birinci Vitse-prezidenti, birinci xanım Mehriban Əliyevaya minnətdarlığımı bildirirəm”.

Möhtəşəm arxitekturaya, harmonik atmosferə, parlaq yaranma tarixinə sahib olan bina statusunda Heydər Əliyev Mərkəzinə “Stil meyarı” nominasiyasında “Aleksandr Vasilyev zanbaqları” mükafatı təqdim olunub. Aleksandr Vasilyev tərəfindən təqdim edilən mükafat keramikadan hazırlanmış “Zanbaq” əsərindən ibarətdir. Anar Ələkbərov isə Mərkəzin adından qonağa XIX əsrin sonları - XX əsrin əvvəllərinə aid Azərbaycan milli qadın geyimini təqdim edib. Sonra qonaqlar sərginin təqdim edildiyi dördüncü mərtəbəyə qalxıblar. Azərbaycanın birinci vitse-prezidenti Mehriban Əliyeva və Aleksandr Vasilyev sərginin açılışını bildirən rəmzi lenti kəsiblər. Heydər Əliyev Fondunun dəstəyi ilə təşkil edilən bu sərgi Bakıda ilk dəfə nümayiş olunur. Ekspozisiyada Aleksandr Vasilyev Fondunun nadir kolleksiyasından XX əsrin 60-cı illərinə aid 100 geyim nümunəsi və 350 aksesuar təqdim edilir.

Heydər Əliyev Mərkəzində təşkil olunan sərgi 2018-ci il aprelin 5-dək davam edəcək.
Mehriban Əliyeva “Modernizm və moda” sərgisinin açılış mərasimində iştirak edib
Mehriban Əliyeva “Modernizm və moda” sərgisinin açılış mərasimində iştirak edib
Mehriban Əliyeva “Modernizm və moda” sərgisinin açılış mərasimində iştirak edib
Mehriban Əliyeva “Modernizm və moda” sərgisinin açılış mərasimində iştirak edib
Mehriban Əliyeva “Modernizm və moda” sərgisinin açılış mərasimində iştirak edib
Mehriban Əliyeva “Modernizm və moda” sərgisinin açılış mərasimində iştirak edib


www.leqal.info

Teqlər: Mehriban Əliyeva “Modernizm və moda” sərgisinin açılış mərasimində iştirak edib

ŞƏRH YAZ

OXŞAR XƏBƏRLƏR<

XƏBƏR LENTİ

BÜTÜN XƏBƏRLƏR

GÜNDƏMHAMISI

ŞOU-BİZNESHAMISI

SOSİALHAMISI

MƏDƏNİYYƏTHAMISI