“Space” telekanalının üzərində “qara buludlar” dolanır. Maliyyə böhranı yaşayan telekanalda “yarpaq tökümü” başlayıb.

Gununsesi.info-nun əldə etdiyi məlumata görə, “Space”nin xeyli sayda əməkdaşı telekanalı tərk etməyə qərar verib.
Bildiyiniz kimi, Afət Telmanqızı, Azadə Balayevanın ardınca xeyli sayda telekanal əməkdaşı “Space”ni tərk etmək qərarına gəlib. Əsas problem də telekanalın üzləşdiyi maliyyə böhranı ilə bağlıdır. Artıq telekanal rəhbərliyi 4 aya yaxındır ki, əməkdaşların pulunu verə bilmir.
Düzdür, adıçəkilən telekanal uzun müddətdir maliyyə sıxıntıları yaşamaqdadır. Amma son 6-7 ayda bu, pik həddə çatıb. Odur ki, telekanalda çalışan əməkdaşlar üçün ağır olsa da, iş yerləri ilə vidalaşmaq qərarına gəliblər. Çünki vəziyyətin nə zaman düzələcəyi ilə bağlı ümidləri çox azdır. Odur ki, onlar yeni iş axtarışına çıxıblar.
İşdən ayrılmaq istəyənlər ilk olaraq məzuniyyətə çıxaraq öz SV-lərini digər media qurumlarına təqdim ediblər. İstər SV-i təqdim edən, istərsə də etməyənlər aktiv formada yeni iş axtarışındadırlar. Onlar arasında media aləmində yetərincə tanınan isimlər də var.

Leqal.info