Şiddətli fırtına ABŞ-nin Kolumbiya dairəsində, Virciniya və Merilend ştatlarında elektrik enerjisinin kütləvi kəsilməsinə səbəb olub. “PowerOutage” portalının məlumatına əsasən, 200 mindən artıq istehlakçı işıqsız qalıb.

Leqal.info xarici KİV-ə istinadən xəbər verir ki, Vaşinqtonda təqribən 14 min, Merilenddə 100 min, Virciniyada 90 mindən çox istehlakçı işıqsız qalıb.

Kolumbiya dairəsinin yanğınsöndürmə idarəsi ərazidə azı iki nəfərin maşınının üstünə ağac aşması nəticəsində xəsarət aldıqlarını bildirib.

ABŞ Milli Meteoroloji Xidmətinin məlumatına əsasən, Vaşinqtonun bəzi ərazilərində küləyin sürəti saniyədə 37 metrə yüksəlib.

Leyla Kamil
Leqal.info