İranın cənub-şərqində yerləşən və ölkənin ən quraq əyalətlərindən biri hesab edilən Sistan və Bəlucistanda daşqınlar nəticəsində azı 133 nəfər zərər çəkib.

Leqal.info "Tasnim" agentliyinə istinadən xəbər verir ki, bu barədə İranın Qızıl Aypara Cəmiyyətinin yerli bölməsinin rəhbəri bildirib.

Daşqınlara Sarbaz çayının daşmasının səbəb olduğu, suyun səviyyəsinin 1985-ci ildən ən yüksək həddə çatması nəticəsində 80 yaşayış binasını su basdığı bildirilib.

Yerli hakimiyyət orqanları yeni daşqınların olacağı barədə xəbərdarlıq edib.

Elvin Mahmudlu
Leqal.info