İclas İşgəncələrə Qarşı Azərbaycan Komitəsinin sədri və səlahiyyətli şəxsi Elşad Həmidovun girş nitqi ilə açıq elan olundu. Komitənin 2017-ci ilin yanvar-noyabr aylarında gördüyü işlərə, Komitəyə daxil olan vətəndaş müraciətlərinə və eyni zamanda bu müraciətlərin araşdırılması yönümündə xüsusi tapşırıqlarını verən sədr, daha sonra hesabat üçün sozü Sumqayıt Regional nümayəndəliyin rəhbəri İxtiyar Məmmədova verdi. Nümayəndə rəhbəri çıxışında ilin on ayı ərzində daxil olan və baxılaraq araşdırılan müraciətlər barəsində hesabat verdi. Daha sonra komitənin baş eksperti Tarıyel Quliyev, ekspert Eminl Səttarov, cənub bölgəsi üzrə nümayəndəliyin rəhbəri Ağakərim Əzimov və kadrlar departamentinin rəisi Ənvər Rzayev iclasda rəhbəri olduqları şöbələrin apardıqları araşdırmalar barədə hesabat xarakterli çıxış etdilər. Komitənin iclasına bir neçə mətbuat nümayəndəsi də dəvət edilmişdir. Komitənin Xəbər Portalı olan Vetenperverler.az saytının rəhbəri Səyyad Əsgərovla birgə saytın redaktoru Etibar Toğrul da iclasda məlumat xarakterli çıxışlar etmişlər. İclasda Komitənin süəlahiyyətli nümayəndələrindən, baş ekspert Fərhad Məmmədov, Fərid Tahirov, Oktay Salamov, Tehran Qarayev, müşahidəçi Namiq Abbasov, qrup rəhbərləri Tural Xasıyev, İqbal Mirzəyev, ekspert departamentinin rəisi Nazim Qurbanov, təşkilat departamentinin rəhbəri Raqfael Quliyev, Sabir Həsənov, Ramil Qədirli, Anar Hadıyev, Hüseyin Məmmədov, Siyasət Əliyev, ekspert Şirzad Rəimov, hüquq departamentinin rəisi Azad Atayev, baş ekspert Yavər Nuriyev və komitə sədrinin müaviuni Gülnarə Həmidova da iştirak etmişlər.
İclas Komitə sədri Elşad Həmidovun tövsiyyə xarakterli yekun çıxışı ilə başa çatdı. (Vetenperverler.az)
Leqal.info
