Leqal.info-nun "Report"a istinadən məlumatına görə, hazırda ərazidəki evlərin ünvan və nömrələrinin dəqiqləşdirilməsi işi aparılır. Artıq 30 dan çox evdə bu işlər yekunlaşıb.
Bundan əlavə, evlərin otaq sayı, o cümlədən həmin evdə daimi yaşayan şəxslərin kimliyinin dəqiqləşdirilməsi işi həyata keçirilir.
Azərinşaat Layihə İnstitutu əməkdaşlarının verdiyi məlumata görə, sürüşmə ərazisində yerləşən və təhlükəli hesab olunan 250-yə yaxın evin qeydiyatı bir neçə gün ərzində yekunlaşacaq.
Qeyd edək ki, bu ərazidən insanların köçürülməsi artıq yekunlaşıb. Lakin əksər evlərdən əşyalar hələ də çıxarılmayıb.
