Müğənni Nadir Qafarzadə Səudiyyə Ərəbistanına Həcc ziyarətinə gedənlər üçün maraqlı fikirlər səsləndirib.

Leqal.info xəbər verir ki, sosial media hesabında paylaşım edən ifaçı zəvvarları qınayıb:

“Allah qəbul etsin! Amma olmaz ki, o qədər pul ödəyib getməkdənsə, həmin pulları buradakı ehtiyacı olanlara, xəstə, kasıb ailələrə verək? Ərəb kralı özünə hər il 20 milyard pul qazanır.

7 dollara daş satır ki, şeytana ataq, eyni daşı hərləyib-fırladıb başqasına satırlar. 100 dollara qoyun alıb qurban kəsirlər, amma dünyada yaşayan müsəlmanlar (bəziləri) yenə də aclıqdan ölürlər.

Qoyunun ətindən, yunundan, dərisindən satıb biznes qurublar. Həmin pullarla ərəb şeyxləri kef çəkib yaşayırlar! Yenə də Allah bilən məsləhətdir.

Yeri gəlmişkən, Qurban bayramınız mübarək! Allah imkansızlara və məzlumlara kömək olsun! Savabın məkanı yoxdur. Hər yerdə savab qazanmaq olar! Müqəddəs ziyarətgahları biznes obyektlərinə çevirməyək”.