Leqal.info xəbər verir ki, Sabunçu rayonu, Şuşa Ramana qəsəbəsi ətrafında kanaldan sağa ikinci sahə deyə bilinən ərazinin sakinləri tərəfindən Leqal.info informasiya agentliyinin redaksiyasına kanalizasiya problemi ilə bağlı çoxsaylı şikayətlər daxil olmuşdur.
Belə ki, sakinlərin sözlərinə görə, Sabunçu rayonu, Şuşa Ramana qəsəbəsi ətrafında kanaldan sağa ikinci sahə deyə bilinən ərazidə kanalizasiya sistemi yoxdur, yollar bərbad gündədir. Bütün bu problemlər sakinlər üçün narahatlıq yaradır. Şagirdlər məktəbə gedə bilmirlər, avtomobillərin hərəkəti məhdudlaşır. Sakinlər, həmçinin qeyd edirlər ki, onlar öz vəsaitləri ilə yolları düzəltməsinə baxmayaraq, sözügedən ərazidə kanalizasiya mövcud olmadığı üçün yağış yağan zaman yollar əvvəlki bərbad vəziyyətinə qayıdır.
Sabunçu Rayon İcra Hakimiyyəti başda olmaqla, aidiyyatı orqanların bu problemə biganə yanaşmayacağına inanırıq. Ümid edirik ki, sözügedən problem tezliklə həll olunacaq.
Leqal.info
