Leqal.info xəbər verir ki, Xaçmazın Əbilyatağı kənd sakini Cəmil Ələnurovun kolleksiyasıda qeyri adiliyi daha doğrusunu desək qədim pul vahidlərinin olması ilə diqqət çəkir. 55 yaşlı Cəmil Ələnurov 25 ilə yaxındır ki, müxtəlif dövlətlərə aid pullar toplayır. Dediyinə görə onda buna həvəs təsadüf nəticəsində tapdığı metal sikkədən sonra yaranıb. Hazırda Cəmilin kolleksiyasında Şirvanşahlar dövlətinə, Monqol, Osmanlı və Rusiya İmperiyalarına aid 100 dən artıq mis və gümüş sikkələr var. Onlardan ən qədiminin yaşı 800 ildən artıqdır. Cəmilin bu qədim pulları tapdığı yerə gəldikdə, dediynə görə dəniz kənarına yaxın qumluq ərazilərdir. Həmin ərazilərde qədim sikkələrin niye bu qədər çox olmasına gəldikdə isə deyilənlərə görə vaxtı ilə həmin ərazilərdən qədim ipək yolu keçib. Dəniz kənarı ərazilərdən əsasən küləkli havalardan sonra axtarışlar aparan Cəmil sikkələrdən başqa qurğuşun güllələr və müxtəlif əşyalarda tapıb. Demək olar ki, bu əşyalarında 300 ildən artıq yaşı var. Cəmilin kolleksiyası isə təkcə bu əşyalar və sikkələrlə məhdudlaşmır. Onun kolleksiyasında Azərbaycan Xalq Cumhuriyyəti və Sovetlər dönəmi eləcə də mustəqilliyimizi əldə etdikdən sonra dövriyəyə buraxılan 300 dən çox dəmir pullar eləcə də 100-ə yaxın kağız əskinazlar da var. Kolleksiyasında bunlardan əlavə ümumilikdə 12 xarici dövlətə məxsus 100 ədəd dəmir pullar və kağız əskinazlar var. Dediyinə görə həmin pulları yaxın qohumlarindan və dostlarından əldə edib. Cəmil gələcəkdə kolleksiyasını daha da genişləndirmək fikrindədir.
Yusif Mahmudov
Leqal.info
