“Bizə işləmək hüququ, biznesin qeydiyyatı, əmlakın əldə edilməsi və ya rusdilli məktəblərin açılması istiqamətində tənzimləmə lazımdır”, o izah edib.
Leqal.info xəbər verir ki, dövlət başçısı Rusiya ilə hava əlaqəsinin bərpasına da qarşı çıxıb. Onun sözlərinə görə, bütün tərəfdaş ölkələrin Ukrayna ilə həmrəylik ifadə etdiyi bir vaxtda bu fikir qəribə görünür.
2008-ci ilin avqustunda Moskva Abxaziya və Cənubi Osetiyanın suverenliyini tanıdıqdan sonra Gürcüstan və Rusiya arasında diplomatik əlaqələr gürcü tərəfi tərəfindən kəsilib.
Bu arada, Rusiyanın xarici işlər naziri Sergey Lavrov ərəfəsində Rusiya diplomatiyasının 2022-ci ildəki işinin yekunlarına həsr olunmuş mətbuat konfransında ölkələr arasında birbaşa uçuşların tezliklə bərpa olunacağına ümid etdiyini bildirib.
Hakim “Gürcü Arzusu” partiyasının sədri İrakli Kobaxidze qeyd edib ki, Tbilisi hava nəqliyyatının bərpasını alqışlayır, çünki bu, vətəndaşların vəziyyətini yüngülləşdirəcək.
Elvin Mahmudlu
Leqal.info
