Leqal.info xəbər verir ki, səhər saatlarından başlayaraq Kiyevdə hava həyəcanı siqnalı çalınıb, bundan sonra partlayış səsləri eşidilməyə başlayıb.
Kiyev şəhər Hərbi Administrasiyasının yaydığı məlumata əsasən, Rusiyanın atdığı raketlər hava hücumundan müdafiə qüvvələri tərəfindən məhv edilib.
"Düşmənin dinc şəhərə növbəti raket hücumu həyata keçirilib. Yenə də hücum sadə deyil, birləşmiş xarakter daşıyır. Öncə Rusiya Federasiyasının Saratov vilayətindən Tu-95MS strateji aviasiya təyyarələrindən X-101/555/55 tipli qanadlı raketlər atılıb. Sonra Kiyevə fərqli tipli, güman ki, ballistik raketlər buraxılıb”, - məlumatda bildirilir.
İlkin məlumatlara əsasən, Kiyevdə tələfat və dağıntı yoxdur.
Leqal.info
