Leqal.info xəbər verir ki, bunu Avropa İttifaqının Xarici siyasət və Təhlükəsizlik məsələləri üzrə ali nümayəndəsi Cozep Borrell Brüsseldə ABŞ dövlət katibi Entoni Blinkenlə birgə mətbuata açıqlamasında söyləyib.
Aİ-nin ali nümayəndəsi bildirib ki, Rusiya təcavüzkar siyasət yürüdür, təhdidlər edir və sülh danışıqları üçün heç bir addım atmır.
O qeyd edib ki, Rusiyanın nüvə başlıqlarını Belarusa daşıması Avropa üçün təhdiddir: “Bu qərarın Çin liderinin Moskvaya səfərindən sonra baş verməsi ironikdir. Hansı ki, bu danışıqlarda nüvə başlıqlarının xarici ölkəyə daşınmaması, nüvə ritorikasından çəkinmək ilə bağlı razılığa gəlinmişdi. Bu səfərdən, danışıqlardan yalnız bir neçə gün sonra Moskva taktiki başlıqları Belarusa köçürəcəyini açıqladı”.
Borrel çıxışında Çinə də çağırış edib: “Çinin sülhə töhfə verməsi ilə əlaqədar mənəvi vəzifəsi var. Çin təcavüzkarın tərəfində dayana, ona dəstək verə bilməz. Bu, bizim mesajımızdır. Bu gün Avropa Komissiyasının Prezidenti Ursula von der Leyen Fransa Prezidenti Makronla birgə Çinə səfər edəcək.
Leyla Kamil
Leqal.info
