Leqal.info xəbər verir ki, CNN-in yaydığı məlumata əsasən, Tramp Florida ştatının Palm-Biç şəhərindəki seçki məntəqəsində şəxsən səs verib.
Qeyd edək ki, bu gün ABŞ-da növbəti seçkilər keçirilir. Seçkilərdə prezident, vitse-prezident, Senatın üçdə biri və Konqresin Nümayəndələr Palatasının bütün üzvləri, eyni zamanda 11 ştatın və 2 ərazinin qubernatorları seçiləcək.
Respublikaçı namizəd Donald Tramp və ABŞ-ın hazırkı hakim Demokrat Partiyasını təmsil edən Kamala Harris prezident postuna iddialıdırlar.
Tramp Amerikanın 45-ci prezidenti olub və 2017-2021-ci illərdə vəzifədə olub. O, 2020-ci il prezident seçkilərində Demokrat Co Baydenə məğlub olub.
Harris isə 2021-ci ilin yanvarından ABŞ-ın vitse-prezidentidir.
Leqal.info
