Son illərin ən genişmiqyaslı hökumət əleyhinə etirazları fonunda İranda vəziyyətin müzakirə edildiyi bir vaxtda ABŞ-ın mümkün müdaxiləsi ilə bağlı danışıqlar səbəbilə İsrail yüksək hazırlıq vəziyyətinə gətirilib.

Leqal.info xəbər verir ki, bu barədə Reuters agentliyi müzakirələrin gedişi ilə tanış olan üç israilli mənbəyə istinadən məlumat yayıb.

Agentliyin məlumatına əsasən, şənbə günü keçirilən telefon danışığı zamanı İsrailin baş naziri Benyamin Netanyahu və ABŞ-ın dövlət katibi Marko Rubio Vaşinqtonun İranda mümkün müdaxiləsi mövzusuna toxunublar.

Agentliyin mənbəyi söhbətin baş tutduğunu təsdiqləsə də, onun məzmunu ilə bağlı əlavə məlumat verməyib.

Leqal.info