Nazirliyin mətbuat xidmətindən Leqal.info- ya bildiriblər ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində ikisi azyaşlı olmaqla doqquz nəfər xilas olunub, yanğın zamanı 100 nəfər təhlükəsiz əraziyə təxliyə olunub. Həmçinin Samur-Abşeron kanalının Qusar rayonunun Quxuroba kəndi ərazisindən keçən hissəsində batması ehtimal olunan bir nəfərin axtarışlarına dalğıc-axtarış qrupu cəlb olunub.
Nazirlik əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
