DİN-in Mətbuat Xidmətinin Şəki regional qrupundan Leqal.info-ya verilən məlumata görə, rayon sakini Fərid Şərifov idarə etdiyi “VAZ-2107” markalı avtomobil ilə şəhər ərazisində avtoxuliqanlıq hərəkətləri etdiyi üçün yol polisi əməkdaşları tərəfindən ona “saxla” əmri verilib.
Sürücünün narkotik vasitə qəbul etməsinə dair şübhələr olduğundan o, tibbi müayinədən keçirilib. Müayinənin də nəticəsinə əsasən həmin şəxsin psixotrop maddə olan metamfetamin qəbul etdiyi müəyyən olunub.