Gürcüstanın Baş naziri İrakli Qaribaşvilinin qərarına əsasən, Türkiyədə zəlzələdən zərərçəkənlərə humanitar yardım məqsədilə 1 milyon lari (637 min manat) vəsait ayrılıb.

Leqal.info xəbər verir ki, ayrılan vəsaitin güclü zəlzələdən zərərçəkmiş əhali üçün ərzaq, dərman, geyim, tibbi avadanlıq və başqa zəruri ləvazimatlaın əldə edilməsinə, eyni zamanda Türkiyəyə aparılıb çatdırılmasına sərf olunacağı bildirilib.
Bu gün Gürcüstandan Türkiyəyə 5 TIR humanitar yardımın göndəriləcəyi, hazırda Adıyamanda 100 gürcü xilasedicinin çalışdığı Türkiyənin Gürcüstandakı səfiri Ali Kaan Orbay tərəfindən qeyd olunub.
Leyla Kamil
Leqal.info