Leqal.info xəbər verir ki, bu haqda ABŞ Dövlət Departamenti məlumat yayıb.
ABŞ Dövlət Departamentinin rəsmisinin 22 mart - 7 aprel tarixlərində Madaqaskar, Cənubi Afrika, Mavriki, Azərbaycan, Monqolustan, Vyetnam, Tailand və Laosa səfər edəcəyi bildirilib.
Mişel Sison martın 29-da Azərbaycana səfər edəcək.
"Dövlət katibinin köməkçisi səfəri zamanı mövcud və potensial çoxtərəfli əməkdaşlıq sahələrini, həmçinin Dayanıqlı İnkişaf Məqsədlərinə nail olmaq, iqlim dəyişikliyi, ərzaq təhlükəsizliyi və qlobal sağlamlıq təhlükəsizliyi daxil olmaqla transmilli çağırışlarla bağlı müzakirələr aparacaq. Dövlət katibinin köməkçisi Sison, eyni zamanda Beynəlxalq Miqrasiya Təşkilatının baş direktoru vəzifəsinə ABŞ namizədi Emi Papanın dəstəklənməsini də təşviq edəcək",- deyə Dövlət Departamentinin məlumatında qeyd olunub.
Elvin Mahmudlu
Leqal.info
