Finlandiya Ukraynaya növbəti hərbi yardım paketini təsdiqləyib.

Leqal.info Finlandiyanın Müdafiə Nazirliyinə istinadən xəbər verir ki, hökumətin təklifinə əsasən bu gün Prezident Sauli Niinistö bu barədə qərar imzalayıb.

Ukraynaya çatdırılacaq 14-cü hərbi yardım olan bu paketdəki müdafiə materialı 161 milyon avro təşkil edir.

“Leopard” tankları üzrə beynəlxalq əməkdaşlıq çərçivəsində Finlandiya Ukraynaya üç “Leopard 2” tankı verəcək, həmçinin onlardan istifadə və texniki xidmətlə bağlı təlimlər keçirəcək. Öncəki paketdə Finlandiya Ukrayna üçün üç "Leopard 2" tədarük edib ki, bununla da Ukraynaya göndərilən "Leopard 2"lərin sayı hazırda altıdır. Paketdə başqa ağır silah və sursatlar da var.
Təhlükəsizlik səbəblərinə görə və çatdırılmanın təyinat yerinə çatmasını təmin etmək məqsədilə yardımın məzmunu, çatdırılma üsulu və ya cədvəli haqqında ətraflı məlumat verilməyəcək. Əlavə yardıma qərar verilərkən həm Ukraynanın ehtiyacları, həm də Müdafiə Qüvvələrinin resursları nəzərə alınıb", - Finlandiya Müdafiə Nazirliyinin məlumatında bildirilib.

Qeyd edək ki, indiyə kimi Finlandiya tərəfindən Ukraynaya təqdim edilən bütün müdafiə materialı paketlərinin ümumi dəyəri təxminən 910 milyon avrodur.


Leyla Kamil

Leqal.info