Leqal.info xəbər verir ki, bu barədə İraq Baş nazirinin Ofisinin yaydığı məlumatda bildirilib.
"İraq hökuməti diplomatik kanallar vasitəsilə İsveç hökumətini məlumatlandırıb ki, İsveç torpağında "Qurani-Kərim"in yandırılması ilə bağlı insidentin təkrarlanması diplomatik əlaqələrin kəsilməsini zəruri edəcək", - İraqın Baş naziri Məhəmməd Şia əl-Sudaninin ofisindən verilən açıqlamada qeyd olunub.
Bəyanatda “sülhə təhlükə yaradan, zorakılıq və nifrət mədəniyyətini təşviq edən” bu cür “təxribatçı” hərəkətlər pislənb.
Bəyanatda bildirilib ki, iraqlı etirazçıların İsveçin Bağdaddakı səfirliyinə od vuraraq Quranın yandırılmasına etiraz etməsindən sonra Baş nazir Sudani yüksək səviyyəli təhlükəsizlik və diplomatik rəsmilərlə görüşüb. Görüş əsnasında rəsmilər "İsveçin Bağdaddakı səfirliyinin yandırılmasını qətiyyətlə pisləyərək, bunu təcili tədbirlər görülməsini tələb edən ciddi təhlükəsizlik pozuntusu kimi qiymətləndiriblər.
Fövqəladə iclas zamanı Bağdaddakı İsveç səfirliyinin yandırılmasına görə məsuliyyət daşıyan həbs edilən şəxslərin ədliyyə orqanlarına təhvil verilməsi qərara alınıb".
Bəyanatda deyilir ki, İraq “bütün diplomatik nümayəndəliklərin təhlükəsizliyini və müdafiəsini təmin etmək öhdəliyini bir daha təsdiqləyir və onlara qarşı yönələn istənilən hücuma qarşı durmağa söz verir”.
İraq təhlükəsizlik mənbəsinin AFP-yə verdiyi məlumata əsasən, İsveç səfirliyi qarşısında etiraz edən təxminən 20 şəxs nəzarətə götürülüb.
Elvin Mahmudlu
Leqal.info
