Leqal.info xəbər verir ki, bunu Polşa Prezidenti Andjey Duda “The Washington Post“ qəzetinə müsahibəsində bildirib.
Polşa dövlət başçısı Ukraynadakı müharibə mövzusuna toxunaraq bildirib ki, bu müharibədə Rusiya nüvə silahından istifadə etməyəcək, çünki bununla bağlı qərar bir nəfər tərəfindən verilmir. Duda vurğulayıb ki, Ukraynada nüvə təhlükəsindən danışan zaman oradakı atom elektrik stansiyaları ilə bağlı yarana biləcək problemlər daha çox narahatlıq törədir: “Düşünürəm ki, atom elektrik stansiyasında baş verə biləcək partlayışın təhlükəsi nüvə silahının tətbiqi ilə müqayisədə olduqca yüksəkdir”.
Polşa Prezidenti Ukrayna ordusunun silah təminatı məsələsi barəsində dədanışıb: “Ukrayna Silahlı Qüvvələri uzaqmənzilli artilleriya ilə təchiz olunub və hələ də mərmilər Kiyevə tədarük olunur. Demək olar ki, Ukrayna bu gün Rusiyadan qat-qat müasir hərbi potensiala malikdir, ancaq burada diqqətçəkən məsələ başqadır. Böyük ehtimalla Ukraynanın müharibədə balansı dəyişmək və üstünlüyü əldə etmək üçün kifayət qədər silahı yoxdur. Biz bu nəticəyə ona görə gəlirik ki, ukraynalılar indi rus qoşunlarına qarşı qətiyyətli əks-hücum etmək iqtidarında deyillər. Bir sözlə, onların daha çox köməyə ehtiyacı var”.
Leyla Kamil
Leqal.info
