Leqal.info xəbər verir ki, Xaçmazın Niyazoba İnzibati Ərazi Vahidliyinə 7 kənd daxildir. Ərazi bütövlüyümüzün qorunması uğrunda erməni işğalçılarına qarşı döyüşlərdə həmin kəndlər 14 şəhid verib. Şəhidlərdən 12-si birinci Qarabağ savaşında, biri 2016-cı il aprel döyüşlərində biri isə 2022-ci ilin sentyabr ayında erməni təxribatının qarşısını alarkən şəhidlik zirvəsinə yüksəlib.
Şəhidlərin əziz xatirəsini əbədiləşdirmək üçün noyabr ayında Şəhidlər Bulağının inşasına başlanılıb. Sahəsi 80 kvadrat təşkil edəcək abidə kompleksində bulaqla yanaşı 14 şəhidin hər birinin mərmərdən şəkilləri və xatirə lövhələri olacaq. Hazırda Şəhidlər bulağının inşası tamamlanmaq üzrədir. 2023-cü ilin yanvar ayının sonlarında Şəhidlər Bulağının açılışı gözlənilir.
Yusif Mahmudov
Leqal.info
