Leqal.info vesti.ru-ya istinadən xəbər verir ki, Söhbətin əvvəlində Çin lideri Pekin və Moskvanın sıx strateji təmasda olduğunu qeyd edib. Çin çətin beynəlxalq vəziyyət fonunda Rusiya ilə siyasi əməkdaşlıq qurmağa və qlobal tərəfdaş olmağa hazırdır, Si deyib.
Bundan əvvəl Vladimir Putin demişdi ki, hər iki güc baş verən qlobal transformasiyaya eyni baxışa malikdir. Rusiya Federasiyası Prezidentinin sözlərinə görə, beynəlxalq arenada birgə iş ədalətli dünya nizamının formalaşmasına kömək edir.
“Beynəlxalq arenada Moskva ilə Pekin arasında koordinasiya, o cümlədən BMT Təhlükəsizlik Şurası, Şanxay Əməkdaşlıq Təşkilatı, BRİKS, “İyirmiliklər qrupu” çərçivəsində beynəlxalq hüquqa əsaslanan ədalətli dünya nizamının yaradılmasına xidmət edir”, - Putin bildirib.
Sonra Rusiya prezidenti Çin Xalq Respublikasının sədrini Moskvaya gəlməyə dəvət etdi.
"Şübhə etmirəm ki, sizinlə şəxsən görüşmək imkanı tapacağıq. Biz sizi gözləyirik, hörmətli cənab Sədr, əziz dost, biz sizi gələn ilin yazında Moskvaya dövlət səfərində gözləyirik".
Putin bunun əsas məsələlərdə Rusiya-Çin əlaqələrinin gücünü dünyaya nümayiş etdirəcəyini və ikitərəfli münasibətlərdə ilin əsas siyasi hadisəsinə çevriləcəyini vurğulayıb.
Elvin Mahmudlu
Leqal.info
