“Journal of Alzheimer’s Disease” Çinin 19 yaşlı vətəndaşında alsqeymer xəstələyinin aşkarlanması, bir sıra testlər aparıldıqdan sonra onun dünyada bu xəstəliyin diaqnozu qoyulan ən gənc insan olması barədə məlumat yayıb.

Leqal.info xəbər verir ki, 17 yaşında olanda ev tapşırıqlarını edərkən diqqətini toplamaqda çətinlik çəkməyə başlayan, vəziyyəti daha çox pisləşən, qısamüddətli yaddaş itkisi yaşayan gənc nə öncəki gün baş verənləri, nə də əşyalarının yerini xatırlayır, həmçinin oxumaq və öz hisslərini ifadə etmək ona çətin gəlir.
18 yaşı olanda isə nə vaxt yeyib-içdiyini belə xatırlamamağa başlayıb. Bu vəziyyətdə sözügedən gənc təhsilini tamamilə dayandırıb.
Qeyd edək ki, həkimlər 19 yaşlı gəncdə heç bir gen mutasiyası aşkar etməyiblər.
Leyla Kamil
Leqal.info