Ankarada səfərdə olan ABŞ dövlət katibi Entoni Blinken Türkiyənin xarici işlər naziri Mövlud Çavuşoğlu ilə birgə keçirdiyi mətbuat konfransında şiddətli zəlzələdən sonra Türkiyənin daha yaxşı olması və inşaatla əlaqədar işlərdən ABŞ-ın onun yanında olacağını bildirib.

Leqal.info xəbər verir ki, Zəlzələnin ən güclü təsir etdiyi bölgələrdən olan Hataya gedən Blinken oradakı dağıntıların miqyasının olduqca böyük olduğunu qeyd edib: “Orada gördüklərimi kəlmələrlə ifadə etmək çətindir. Böyük məhəllələr, şəhərlər olduqca böyük zədələr alıb, binalar yerlə yeksan olub”.
ABŞ-ın zəlzələdən qısa zaman sonra Türkiyəyə dəstək göndərdiyini qeyd edən Blinken ABŞ-ın indiyə kimi Türkiyə və Suriyaya 85 milyon dollar yardım ayırdığını və yaxın günlərdə də 100 milyon ayrılacağını vurğulayıb.
Elvin Mahmudlu
Leqal.info