Leqal.info xəbər verir ki, bununla bağlı səsvermə keçirilib.
“11 səs lehinə olmaqla Beynəlxalq Əlaqələr Komissiyası Meksika Prezidenti Andres Lopez Obradorun bəyanatlarını pisləyən və onu “persona non qrata” elan edən qətnaməni təsdiqləyib", - parlamentin Twitter səhifəsində bildirilib.
İndi təşəbbüsə Konqresin plenar iclasında baxılmalıdır. Bu ilin fevralında Peru parlamenti Kolumbiya Prezidenti Qustavo Petronu da “persona non qrata” elan edib.
Bundan öncə, Meksika lideri Peru Prezidenti Dina Boluarteni “qəsbkar” adlandırıb və bir daha bəyan edib ki, Mexiko Sakit Okean Alyansına sədrliyi Limaya ötürməyəcək. Meksika liderinin sözlərinə əsasən, keçmiş dövlət başçısı Pedro Kastilyo ədalətsiz olaraq vəzifəsindən uzaqlaşdırıldığı üçün Boluarte hakimiyyətə qanunsuz gəlib.
Leqal.info
