Leqal.info İsrail mətbuatına istinadən xəbər verir ki, Makron İsrail liderinə Fransanın İsraillə "çiyin-çiyinə" olduğunu və terrorla mübarizədə İsrailin tək qalmayacağını söyləyib.
“Mən sizinlə terror hücumlarına məruz qalmış bir ölkənin adından danışıram. Terror qruplarına qarşı mübarizə aparmaq bizim borcumuzdur”, - Fransa dövlət başçısı bildirib.
O qeyd edib ki, ilk məqsəd bütün girovların azad edilməsi olmalıdır: “Biz sizinlə çiyin-çiyinəyik. Görüləsi çox şey var. Bu hadisələr heç vaxt unudulmayacaq. Bizim ilk məqsədimiz girovların azad edilməsi olmalıdır. Biz terrorçulara qarşı məqsədyönlü əməliyyatlar təşkil etməliyik.
Ölkəniz və bütün region üçün sülh, təhlükəsizlik və sabitliyin bərpası istiqamətində əlimizdən gələni edəcəyik. Biz sülh və sabitlik üçün bu gün də, sabah da burada olacağıq”, - Makron bildirib.
Leyla Kamil
Leqal.info
