Leqal.info xəbər verir ki, bu barədə Böyük Britaniyanın XİN başçısı "Sky News"a danışıb.
Xarici işlər naziri deyib ki, İranın hücumu böyük miqyaslı olsa da, ancaq tam uğursuzluqdur.
Devid Kemeronun sözlərinə əsasən, əgər israillilər düşünürsə ki, onların bu hücuma cavab vermək hüququ var, onlar haqlıdırlar, lakin xarici işlər naziri İsraili vəziyyəti gərginləşdirməməyə çağırıb: "Biz onları eskalasiyadan uzaq olmağa çağırırıq."
O, hücumun "İran üçün ikiqat məğlubiyyət" olduğunu vurğulayıb: "Onlar regionda belə hücumlara hazırlaşdıqlarını, bədxah təsirə malik olduqlarını dünyaya nümayiş etdirdilər".
Britaniya XİN rəhbəri bildirib ki, Böyük Britaniya eskalasiyanın qarşısını almağa çalışır: “Vacib olan Qəzzada saxlanılan girovların azad edilməsidir”.
Leyla Kamil
Leqal.info
