Moskvanın Qara Dəniz Taxıl Sazişində iştirakını dayandırmasını elan etməsindən bir neçə saat sonra Rusiya pilotsuz uçuş aparatları və raketlərlə Ukraynanın cənub sahillərinə zərbələr endirib, liman və sənaye infrastrukturu zədələnib.

Leqal.info "Le Monde"yə istinadən xəbər verir ki, bu barədə Ukraynanın cənub komandanlığının bəyanatında bildirilib.

"Odessaya Qara dəniz sularından buraxılan altı “Kalibr” raketi hava hücumundan müdafiə sistemi tərəfindən məhv edilib. İran istehsalı olan 21 “Şahed” PUA-ları da Odessa bölgəsinə dənizdən yaxınlaşarkən məhv edilib. Əfsuslar olsun ki, vurulan raketlərin qalıqları və partlayış dalğası liman infrastrukturunun obyektlərinə və bir neçə fərdi evə ziyan vurub", - bəyanatda əks olunub.

Leyla Kamil
Leqal.info