Leqal.info xəbər verir ki, bunu Rusiya Prezidenti Vladimir Putin Rusiya Enerji Həftəsinin plenar iclasında bildirib.
Putin qeyd edib ki, onilliklər ərzində İsrail fələstinlilərin öz torpaqları hesab etdikləri əraziləri müxtəlif üsullarla, habelə hərbi güc yolu ilə tutub.
O, Amerika Birləşmiş Ştatlarını ərəb-İsrail münaqişəsi zonasındakı mexanizmlərə məhəl qoymamaqda günahlandırıb.
Putin vurğulayıb ki, İsrail yarananda elə həmin vaxt suveren Fələstinin yaradılmasından söhbət gedirdi, ancaq bu, heç vaxt həyata keçirilmədi.
Rusiya liderinin sözlərinə əsasən, İsraillə Fələstin arasında vəziyyəti sakitləşdirməyin yaxın gələcəkdə mümkün olub-olmayacağı bilinmir, lakin bu, böyük problemlərə gətirib çıxara bilər.
"İsrail və Fələstində qəddarlıq çox böyükdür, ancaq biz mülki itkiləri minimuma endirməyə, uşaqları və qadınları tək buraxmağa çalışmalıyıq. Rusiyanın Fələstin və İsraillə bağlı mövqeyi tərəflərə yaxşı məlumdur, biz BMT qərarlarının həyata keçirilməsinin və Fələstin dövlətinin yaradılmasının tərəfdarıyıq", - deyə Putin diqqətə çatdırıb.
Elvin Mahmudlu
Leqal.info
