Leqal.info xəbər verir ki, bu barədə Ukrayna Xarici İşlər Nazirliyinin mətbuat xidməti məlumat yayıb.
Bildirilib ki, avqustun 28-də Kuleba Praqada Çexiya xarici işlər naziri Yan Lipavskinin dəvəti ilə səfirlərin illik konfransının fəxri qonağı kimi Çexiya səfirlərinin qarşısında çıxış edəcək. Ukrayna XİN rəhbəri, eyni zamanda hərbi-texniki əməkdaşlığın inkişafına dair ikitərəfli danışıqlar aparacaq.
Avqustun 29-30-da Parisdə Ukrayna XİN rəhbəri Fransa rəhbərliyi və Fransanın müdafiə-sənaye kompleksinin aparıcı şirkətləri ilə danışıqlar aparacaq. Bundan başqa, o, Fransa xarici işlər naziri Ketrin Kolonnanın dəvəti ilə Fransa səfirlərinin konfransının fəxri qonağı olacaq.
Avqustun 31-də İspaniyanın Toledo şəhərində isə Kuleba Aİ xarici işlər nazirlərinin qeyri-rəsmi görüşündə iştirak edəcək.
Çexiya, Fransa və İspaniyada keçiriləcək danışıqların əsas mövzularının yeni silah təchizatı, xüsusilə hava hücumundan müdafiənin gücləndirilməsi, Sülh Formulunun təbliği və Qlobal Sülh Sammitinə hazırlıq, Ukraynanın Aİ-yə üzvlüyü ilə bağlı danışıqlar olduğu Ukrayna XİN-in yaydığı məlumatda diqqətə çatdırılıb.
Leyla Kamil
Leqal.info
