Leqal.info xəbər verir ki, bu barədə Britaniya xarici işlər naziri Kleverli Qahirə sülh konfransında çıxışında bildirib.
"Mən İsrail hökuməti ilə birbaşa olaraq onların beynəlxalq hüquqa hörmət etmək vəzifəsi və Qəzzada mülki insanların həyatının müdafiəsinin vacibliyi barədə danışmışam.
İnanılmaz dərəcədə çətin şəraitə baxmayaraq, İsrail hərbçilərini nizam-intizamlı olmağa, peşəkarlıq nümayiş etdirməyə və təmkinli olmağa çağırmışam", Kleverli çıxışında qeyd edib.
O vurğulayıb ki, HAMAS İsrail və Fələstin arasında sülhün bərqərar olmasını istəmir. "Biz əmin olmalıyıq ki, HAMAS yox, sülh içində birgəyaşayış qalib gələcək. Böyük Britaniya mövqeyini aydın ifadə edib ki, İsrailin özünümüdafiə və HAMAS tərəfindən girov götürülənləri azad etmək hüququ var. Həmçinin açıq bildirmişik ki, biz və onlar Qəzzadakı fələstinlilərin ağrı və əzablarını yüngülləşdirmək üçün beynəlxalq hüquqa uyğun işləməli, addımlar atmalıyıq".
Leyla Kamil
Leqal.info
